Hmun pali-ah heroin man

Mizoram Police-a Special Narcotics Police Station team chuan February 3, 2023 (Zirtawpni) khan Aizawlah Erick Lallawmkima (26), Chaltlang hnen aṭangin heroin gram 2.08 an man a, Vanlalpeka (19), Ṭhuampui hnen aṭangin heroin gram 2.01 an man bawk.

February 3, 2023 vêk khân zanah Police leh 42nd Assam Rifles-te'n Mualkawiah Vanlalchama (36) s/o Vanlaltlana, Khàmráng khua nia inchhál hnen aṭangin heroin gram 119 an man a, international market-ah cheng nuai 59.5 hû a ni.

Zirtawpni zan vêk khan Police Special Narcotics PS team-in Lalchhanchhuaha (29) s/o Biakdinliana, Ruantlang, Champhai district hnen aṭangin heroin gram 13.7 an man a, cheng 6.8 hû a ni. Heroin man neitute lakah hian NDPS Act tlawhchhanin thubuai ziah luh a ni.