AK Rifle pahnih man a ni

Mizoram police-a CID (Special Branch) leh 2nd Assam Rifles ṭang dun chuan February 5, Pathianni tlai khan Hmui­fang dáiah .22 AK auto­matic rifle (China siam) pahnih, magazine pahnih leh .22 silaimu pali an man.

Police thuchhuah tarlan danin, silai leh a mu hi Isak Pawla (31) s/o Hnehliana leh Rochunga (40) s/o Hamkual, Chamdur-P, Lawngtlai district nia inchhalte'n Bolero MZ-05 A-5990-a an phurh lai man a ni a; Bungtlang South aṭanga an phurh a ni.

Chhui zuina aṭangin CID-te chuan ralthuamte dan loa hralhna tura in­hnamhnawiha puh Lian­­thanga (42) s/o Vanmawia (L), Mualcheng South, Lunglei district leh Lalpian­mawia (32) s/o Biakthanga, Melthum Bethel Veng, Aizawlte an man leh bawk.

Ralthuam man chung- changah hian Sialsuk Police Station-ah thubuai ziah luh a ni a, police-te chuan a kaihhnawih awm theite an chhui zui zel a ni.