END-in heroin gram 514 an man

Excise & Narcotics department (END) chuan February 5, Pathianni khan Aizawlah heroin gram 514 (hawng 40) an man. END hian January 2023 chhung khan heroin kg. 3 leh gram 599 an man tawh.

END enforcement-te chuan Pathianni chhun dar 12:50 khan Bawngkawn (Lunglei Road)-ah heroin gram 503 (hawng 39) an man a; a neitua puh mi pathum - Z Rozampuii (22) d/o Z Lalhumhima leh C Malsawmdawngliana (20) s/o C Lalhlimpuia, Lunglei Ramthar Veng ve ve nia inchhál leh, Lallawmzuala (27) s/o Thankhara, Lunglei Luangmual nia insawite an man nghal.

February 5 vêk khan zan dar 8:47-ah END leh Central YMA hnuaia CADS-te ṭangrual chuan Falkland Vengah heroin gram 11 (hawng khat) leh a neitua puh Lalliankhuma (23) s/o Sakhawliana, Falkland Venglai nia inchhál an man bawk.

Heroin vanga mante lakah END chuan Nar­cotics Drugs & Psycho­tropic Substances Act, 1985 tlawhchhanin thu­buai an ziak lut a ni.