Governor-in lawmpuina a hlân

Governor Hari Babu Kambhampati chuan nimin khan Raj Bhavan-ah 1st Mizo Air Squadron NCC cadet pahnih, kumin National Cadet Corps (NCC) Republic Day Camp (RDC) 2023 intihsiaknaa hlawhtling taka tel pahnih - corporal Kenny Lalrinawma Singh leh corporal Laltlansangite hnenah lawmpuina thuziak leh thilpek a hlân.

Republic Day Camp 2023-ah hian India ṭhian ṭha ram 19 aṭangin ṭhalai 2,155 an tel a, chu'ng zinga 710 chu hmeichhia an ni a, India hmarchhak state aṭangin cadet 120 an tel. Pachhunga University College-a 4th semester zirlai pahnih Kenny Lalrinawma Singh leh Laltlansangi te hian lawmman an dawng.

Kenny Lalrinawma Singh-a'n Directorate General NCC Medal a dawn bakah, cultural (group song) intihsiaknaah pakhatna a ni a; Laltlansangi chu Prime Minister Rally (Cultural) leh NCC cadet-te tana drill pawimawh ber zinga mi Line Area-ah a tel phak a ni.