Oxygen leh ventilator hlân

Formosa Foundation, India chuan nimin khan Joint YMA Hall, Vaivakawnah Khawzawl district-a YMA branch 28 hnenah oxygen concentrator leh Khawzawl Hospital hnena pek tur mobile ventilator hlanna inkhawm an buatsaih a; deputy chief minister Tawnluia, Tuichang bialtu MLA-in a hmanpui.

Tawnluia chuan, Formosa Foundation India luan chhuahnaah Khawzawl district mipui an lawm thu sawiin, "Oxygen concentrator leh ventilator-te hi mipui tana ṭangkai leh mamawh, natna khirh tak tak tuarte nun chhanhim theitu a ni a, man to tham takte a nih avangin awlsam taka lei a harsa a, Tuichang bial khaw hrang hrangte'n a thlawna an dawng thei hi a lawmawm hle a ni," a ti.