Lehkhabu lehlin ṭha ber 'Allah aiah Isua'

Mizo Writers Association (MWA) chuan Translation Book Award 2019 atan 'Allah aiah Isua' tih lehkhabu an thlang a, a letlingtu Lalrinzuala hnenah nimin khan lawmman Rs. 5,000 leh thuchei an hlân. MWA hian HSSLC Exami­nation 2020-a Mizo subject-a mark hmu sang ber R Lalnunhlimi, Synod HSS hnenah Lalmama Proficiency Prize an hlàn a; HSLC 2020-a Mizo-a mark hmu sang ber Lalngaihsaka, Mount Carmel School hnenah Ch. Pasena Proficiency Prize an hlàn bawk. Proficiency prize hian Rs. 5,000 leh thuchei a keng a ni.