Aizawla Ayush Hospital din nan Mizoram tan nuai 69.609 pe tawh

Aizawla Ayush Hospital dinna turin sorkar laipuiin Mizoram sorkar hnenah kum 2022 khan first instalment cheng nuai 69.609 a pe tih Union Ayush minister Sarbananda Sonowal-a'n a tarlang.

Parliament budget session neih mekah nimin khan Rajya Sabha MP K Vanlalvena'n Ayush department hmasawnna tura sorkar laipuiin Mizoram sorkara ṭanpuina a pek dan a zawhnate Union Minister hian ziakin a chháng a ni.

UNION MINISTER TARLANTE

■ Aizawla Ayush Hospital, khum 50 awmna dinna turin sorkar laipuiin kum 2022 khan first instalment cheng nuai 69.609 a pe.

■ Second instalment atan nuai 100 pawm tawh a ni.

■ Saituala Ayush Hospital, kum 10 awmna dinna tur cheng nuai 10 pawm a ni tawh.

■ Kum 2015-2021 chhungin Mizorama ram hectare 373-a zauah ramhmul damdawi (medicinal plant) chìnna hmun siam a ni.

■ Ramhmul damdawi chìnna hmun venhimna leh humhalh kawnga hmalakna, Central Sector Scheme on Conservation, Development and Sustainable Management of Medicinal Plants atan Mizoram EFCC department-in cheng nuai 190.77 man project a siam chu sorkar laipuiin a pawm a; project first instalment atan Mizoram sorkar hnenah cheng nuai 76.30 pek a ni tawh.