Aizawl khawpuia kawngpuite humhalh tura hmalak rêl a ni

Coordination Committee on Management of Aizawl City chu an chairman Dr Lalhriatzuali Ralte, bawrhsap kaihhruaiin nimin khan a pisaah an ṭhukhawm a; kawngpui tihnawk zawnga bungrua leh lirthei dah ṭhinte laka kawngpui humhalh tura hmalak an rêl.

Ṭhutkhawmah hian, Aizawl khawpuia kawngpui tihnawk zawnga bungrua leh lirthei dah ṭhinte'n mipui tan harsatna an siam ṭhin tih tarlan a ni a; kawngpui humhalh turin PWD leh AMC an ruat bakah, chak zawka bawhzui a nih theih nan zir chiang turin Additional DC, Aizawl SP, Traffic SP, PWD leh AMC-te an ruat.

Augmentation of Aizawl Water Supply Scheme hnuaia Water Treatment Plant for 37 MLD siamna atana Hunthar Veng péng aṭanga Chanmari West kawnga SIPMIU-in pipe phûm dan tur an buaipui mek chungchang an ngaihtuah a; joint inspection zirchianna zûlzuiin State Disaster Management Authority-ah thlen ni se, an ti.

Ṭhutkhawmah hian AMC, UDPA, DMR, PWD, Power & Electricity, PHE, Land Revenue & Settlement, Geology & Mining leh IPR department hotu te, SP Aizawl, SP Traffic leh SIPMIU leh BSNL hotute an tel a ni.