Kum 2019-20 chhunga Mizoram Per capita income Rs 1,86,133

Economics & Statistics department chuan nimin khan kum khat chhunga Mizoram thawh chhuah tlangpui a tichhuak a; kum 2019-20 chhunga chawhruala Mizoram mipui mi pakhat zel sum lak luh (per capita income) chu Rs 1,86,133 a nih thu a tarlang.

Economics & Statistics tarlan danin, kum khat chhunga Mizoramin a thar/siam chhuah zawng zawng suma chantira a hlutna State Domestic Product (SDP) a ni. SDP chu hlawm lian pathum - Agriculture & Allied Sector, Industry Sector leh Service Sector-ah ṭhen a ni a, kum 2019-20 hlut záwng dik tak (final estimate) chhût chhuah a ni tawh.

Kum 2020-21 provisional estimate buaipui mek a ni a, kum 2021-22 ah advance estimate siam a ni bawk.