YMA-in UCC an duh lo

YMA Central Execu­tive Committee chu February 7, Thawhlehni zan khan Central YMA Committee Room-ah an ṭhukhawm a, India rama Uniform Civil Code hman tumna awm chu hnam tênaute tan a him loa a lan avangin hman a nih lohna tura hmalak an rél a, "Kohhran, NGO leh political party hrang hrang hruaitute nen sawihona hun hman ni se," an ti.

CYMA chuan, dan loa kuhva rah tawlh rûk dona tura Mizoram sorkarin task group a din chu lawmawm an tih thu tarlangin, "Theihtawpa ṭawiawm ni se," an ti. CYMA hnuaia ruihhlo dotu Central Anti Drug Squad batch thumna hruaitu leh member turte an ruat a, convener-ah CYMA assistant secretary Prof. Malsawmliana ruat a ni.