Lunglei by-pass road siam tum a ni - Chief Minister
PWD changtu chief minister Zoramthanga chuan MNF member Dr K Pachhunga zawhna chhangin, Lunglei by-pass road (western side) siam tum a nih thu nimin khan House a hrilh.
Chief Minister chuan, Lunglei khawpui hêlna tur by-pass road siam tumna a awm leh awm loh zawhna chhángin, "Lunglei khawpui lirthei pung zel vanga traffic problem a ziaawm theihna atan khawpui hêlna tur by-pass road siam tum a ni. By-pass road siamna tur hian PM DeVINE aṭangin cheng vbc. 303.6 kum 2023-24 atan dil mek a ni," a ti.
Dr K Pachhunga'n, 'Lunglei by-pass road siamna tur sorkar hmasain NEDP aṭangin cheng vbc. 10 an dah sa tia mipui an hrilh ṭhin dah a ni rêng em?' tia a zawhna chu CM Zoramthanga chuan, sorkar hmasain NEDP aṭanga a ruahman aṭangin cheng vbc. 9 hmuh a nih thu a sawi.