Indo-Bangladesh border chungchangah Bangladesh sorkar hotute ngaichâng

Commerce & Industries minister Dr R Lalthangliana chuan nimin khan ZPM member Lalduhoma zawhna chhángin, Indo-Bangladesh ramri chungchangah Bangladesh sorkar hotute ngaihchàn mek a nih thu House a hrilh.

Indo-Bangladesh border haat atan pilot project-ah Silsuri ruahman mek a nih leh nih loh zawhna chhángin Commerce & Industries Minister chuan, "Indo-Bangladesh border haat atana pilot project-ah Silsuri ruahman mek a ni," a ti.

Dr R Lalthangliana chuan, Zokhawthar Land Custom Station tihchangtlunna tura SCACE aṭanga December 2, 2020-a cheng vbc. 15 dawn hman ṭangkai a nih leh nih loh zawhna chhángin, "Hman ṭangkai mek a ni," a ti a, Lushai Engineers, Aizawlin hna an thawh thu a sawi.

CI Minister tarlan danin, cheng vbc. 15 hmangin June 1, 2021 aṭangin hna thawh ṭan a ni a, hnathawh zawh hun tura beisei chu June 30, 2023 a ni. Tun dinhmunah physical achievement 15% leh financial achievement cheng nuai 160 a ni.