Vaihlo awm lohnaah puan tum

Champhai District Task Force for Tobacco Product chu an chairman James Lalrinchhana, bawrhsap hoin nimin khan DC conference hall-ah an ṭhukhawm a; kumin chhungin Champhai district-a zirna-inte tobacco free educational institution (vaihlo awm lohna)-a puang hman vek tura ṭan lak an rêl.

Ṭhutkhawma tarlan danin, Champhai district-a zirna-in hrang hrang 43 chu vaihlo leh a kaihhnawih awm lohna hmunah puan a ni tawh a, district-a zirna-in awm zat aṭangin 17% a tling.