Sa pêltu mi panga man

Khawzawl district-a Wildlife Crime Control Sub-Unit chuan February 6, Thawhṭanni zan khan ramsa pêl ru mi panga an man a, an hnen aṭangin ulhbun panga an man tel. An vai hian Wildlife Protection Act, 1972 Section 54(1) hmangin Rs 25,000 ṭheuh an chawitir bakah thubuai ziah luh a ni.

District Wildlife Crime Control Sub-Unit hian Khualen khaw thlen hma Tuichang lei bul ramhnuaiah dan loa sa pêl tum an awma an hriat avangin an thlîthlai a, hun eng emaw chen an enthlâk hnuah sa pêl tura thawk chhuak ngei tih an finfiah avangin mi panga an man ta a ni.