Kuhva sawi lan loh dem

Hachhek bialtu MLA Lalrindika Ralte chuan Assembly budget session-a Governor thusawiah police-te hnathawh ṭhat ruihhlo an man tarlan a nih laia kuhva man sawi lan a ni lo chu a ngaimawh thu, nimina session-ah a sawi.

INC member Lalrindika Ralte chuan, ruihhlo leh kuhva chu dan phal loha tawlh luh ve ve a nih thu sawiin, "Kan bial mipui leh Vairengte lam pawhin harsatna kan tawhna kuhva chungchang sawi tel a ni lo hi a pawi ka ti a, dan loa thil lo lut ve ve, a ṭhen an man a, a ṭhen an man loa sorkarin sawi ve tur a nei lo hi a pawi ka ti," a ti a; sorkarin sawi lan ve ngei tur awm thei tawh turin kuhva chungchangah hma la se a duh thu a sawi bawk.