Mau atangin biofuels siam tum

Planning changtu chief minister Zoramthanga chuan mau aṭanga petrol blend (biofuels) siam chungchangah Mizoram sorkar leh company lamin meeting ṭum eng emaw zat an neih tawh thu House a hrilh.

MNF member Dr K Pachhunga zawhna chhangin Chief Minister chuan, "Mau aṭanga petrol blend (biofuels) siam tumna firm/company pahnih - GPS Renewables Private Ltd., Bangalore leh Zo Green Enterprise, Mizoram ṭangkawp aṭangin 2G Motor Bioe­thanol Production Plant proposal dawn a ni," a ti.

Zoramthanga sawi danin, proposal chung-changah hian Mizoram sorkar leh company lamte'n meeting ṭum eng emaw zat an nei tawh a, proposal hi zirchian mek a ni.