Zorinpui to Paletwa kawng atan cheng vaibelchhe 1921.05 sanction

Union External Affairs minister V Muraleedha­ran chuan Parliament Session neih mekah nimin khan Rajya Sahba MP K Vanlalvena zawhna ziaka chhangin, Zorinpui to Paletwa inkar kawngpui laih mek atan cheng vbc. 1,921.05 sanction tawh a nih thu a tarlang.

External Affairs Minister tarlan danin, IRCON company-ten Zorinpui lam aṭang leh Paletwa lam aṭangin hna an thawk mek. He kawngpui hi khawmualah km. 109 (Zorinpui to Paletwa) a thui niin, Chhimtuipui luiah lawng kawng Paletwa atanga Sittwa(Akyab) lawng chawlh hmun thleng km. 158 a thui a ni thung dawn.

Mizoram chin Zorinpui aṭanga tuifinriat thlenga a thui zawng chu km. 267 a ni ang.Zorinpui to Paletwa kawng atan
Cheng vaibelchhe 1921.05 sanction