Chhiahtlanga Polytechnic Institution-ah A panna kawng chiah thawh zawh a la ni

Higher & Technical Education (HTE) minister Dr R Lalthangliana chuan ZPM Legislature Party leader Lalduhoma zawhna chhangin, Chhiahtlanga Polytechnic Institution building-ah a panna kawng (approach road) chauh thawh zawh a la nih thu House a hrilh.

Dr R Lalthangliana chuan Chhiah­tlanga Polytechnic Institution building sakna tur sum hi CSS, Ministry of Human Resource Development (MHRD) tuna Ministry of Education hnuaia Skill Development Initiatives Programme-a hmalakna pakhat 'Sub-mission on Polytechnics Scheme' aṭanga hmuh a nih thu tarlangin, "Polytechnic la awm lohna district hrang hranga dinna tura project kal mek aṭanga dawn a ni," a ti.

HTE Minister sawi danin, original estimate chu cheng nuai 800 a ni a, MPWD SOR 2013 a siam a ni. Revised estimate siam a ni a, estimate amount tidanglam loin, MPWD SOR hman a ngaih tawh avangin scope of work tih tlem a ni. Revised estimate hi June 2022 a siam a ni a, pawm a la ni lo.

He hnaah hian construction of approach road chiah thawh zawh a la ni a, contractor chu Sangpuia, Lunglei Chanmari a ni. Ni 3.3.3016 ah hnathawh ṭan a ni a, hnathawh zawh hun tur chu ni 3.3.2018 a ni. Approach road chiah hi la thawh zawh niin, tun dinhmuna physical achievement chu 12% niin, financial achievement chu cheng nuai 96.69 a ni.