Task Force on Ruihhlo Do din turin ngen

Aizawl District Level Task Force on Ruihhlo Do Committee chu an chairman Dr Lalhriatzuali Ralte kaihhruaiin February 8, Nilaini khan a pisaah an ṭhukhawm a; 'Village/ Local Level Task Force on Ruihhlo Do' la din lo khua/vengte chu din vek turin an ngen.

Ṭhukhawm chuan kumin March thla chhungin Aizawl district-a college hrang hrangah ruihhlo ṭhat loh zia inzirtirna kalpui te, college leh zirna-in hrang hrangah hemi lam buaipui tur nodal officer ruat tura thuneitute ngen te, Kohhran hrang hrangah ruihhlo chungchang uar zawka inzirtir tura ngenna thlen te, August 1 chu ‘Ruihhlo Do Ni’ atana hman te, nasa zawka chhungkua leh mipuiah ruihhlo ṭhat loh zia inzirtirna kalpui te, hun remchangah ruihhlo ngaite enkawlna kawnga thawktute nen workshop buatsaih leh ruihhlo ngaite enkawlna Home hrang hrang tlawhte an rêl a; District Level Task Force on Ruihhlo Do nodal officer atan R Lalrinzuali, SDC an ruat a ni.