Kum 2022 ah Siahaah in kâng 210 awm

Siaha district-a MADC Forest conference hall-ah nimin khan MADC chief executive member M Laikhaw chuan kângmei vèn hapta, Fire Prevention Week 2023 a hawng. Kum 2022 chhung khan Siaha district-ah in kâng 210 a awm thu tarlan a ni.

Hapta hawnna inkhawma Siaha EFCC conservator of forest Thaly T Azyu tarlan danin, kum 2022 chhung khan Siaha district-ah in kâng 210 a awm a; hectare 323-ah ram kâng awmin, heng zinga hectare 202.2 chu huan/lo halna a ni.

M Laikaw chuan, ram kâng leh kângmei chhuak vèn chu Forest department mawhphurhnaah chauh dah a nih chuan engtikah mah a hlawhtling dawn lo tih a sawi a, "Ram kâng leh kângmei chhuak reng reng hi mihring aṭanga chhuak deuh vek a ni a, tihpalh vang leh tihluih avanga chhuak a ni ṭhin. Kan zavaia kângmei tichhuak loh tura kan fimkhur a ngai a, a lo chhuak palh a ni pawhin a ṭhelh hna hi mitin mawhphurhna a ni," a ti a, sorkar leh NGO kutah chauh mawhphurhna dah lo turin mitin a ngen.