Reiek tlangah tui pump a ni tawh - Dy. Chief Minister

PHE changtu dy. chief minister Tawnluia chuan MNF member Lalrintluanga Sailo zawhna chhangin, Tlawng aṭangin Reiek tlangah tui pump chhuah a nih tawh thu sawiin, "House connection pek vek tawh niin, tunah hian a takin mipuiah tui pek tawh a ni," a ti.

Ailawng khua tui pekna tur atan PHE department-in hma a lak tawh leh tawh loh zawhna chhangin Dy. Chief Minister chuan, "Ailawng khua tui pekna tur atan PHE dept.-in hma la tawhin, tui pipe zawm hna thawh mek a ni," a ti a, tui hi Reiek aṭanga pek tura ruahman a nih thu a sawi.

MNF member Dr Vanlalṭanpuia zawhna chhangin Tawnluia chuan Lunglei Greater Water Supply Scheme Phase-I, Pialthleng panna kawng siam tumna a awm thu sawiin, "Hna hi ṭan thuai tura beisei a ni," a ti.