G20 Information & Publicity ṭhukhawm

G20 Business Meeting Information & Publicity sub-committee chu an chairman HM Hualsangi, Information & Public Relations secretary hoin a pisa-ah nimin khan an ṭhukhawm a; March 2, 2023-a Aizawla G20 Business Meeting neih tur atana hmalakna leh hmachhawp hrang hrang an sawiho.

Ṭhutkhawmah hian G20 Business Meeting neih tur atana Information & Publicity sub-committee hmalakna leh hmachhawp hrang hrang tarlan a ni a; sikul, college leh zirna-in hrang hranga zirlaite hnenah G20 chungchang inzirtirna neih a ni tawh a, All India Radio-ah live phone-in programme neih tawh niin, TV talk show vawi hnih neih turah vawi khat neih a nih tawh. Delegation handbook peih fel ṭep a ni a, radio jingles leh promotional video clip siam mek niin, summit chhunga programme pawimawhte full video coverage leh documentation tih a nih dawn bakah, chanchinbuah display advertisement tih tum a ni bawk.