Aizawla hrui inzam hnawkte felfai zawka zam dan tur sawiho

Aizawla G20 Business Meeting neih tur puala ram hrang hrang palaite'n Aizawl khawpui chu fai leh thianghlim taka an hmuh theih nan cable leh internet hrui inzam hnawkte felfai zawka zam tum a ni.

Overall Coordination of G20 Business Meeting nodal officer H Lalengmawia hoa nimina UDPA department hotute, BSNL, cable tv, internet service provider leh Jio leh Airtel company aiawhte ṭhukhawm chuan March 2, 2023-a Aizawl khawpuia G20 Business Meeting neih tur atan Aizawl khawpuia cable leh internet hrui inzam hnawkte felfai zawka zam dan tur an sawiho a ni.

Ṭhukhawm chuan, Aizawl hmel lanna hrang hrang zinga khawpui chhunga hrui hnawk, a bik takin cable leh internet pek chhuahna hrui inzam nasa lutuk hian khawpui hmel a timawi lo tih an sawi a, "Thla leh maia G20 palai lokal turte'n Aizawl hi khawpui fai leh thianghlim taka min hmuh theih nan hengte hi felfai zawka zam a ṭul," an ti.

Aizawl DC hmalaknain hrui hman tawh loh senghawi leh la hman mekte felfai taka zam a nih thute tarlan niin, hmalak zel dan tur an sawiho nghal a ni.