KHAWTHLIR
CM-in hawng
Chief minister Zoramthanga chuan nimin zing khan SEDP sum cheng 464.9 hmanga siam ITI aṭanga Govt. T Romana College panna kawng thar a hawng. Chief Minister chuan, "Thil engkimah, ram inrelbawlna thlengin neitu nihna nena hmalakna hi a hlawkin a entawntlak a ni," a ti.
DC-in khap
Khawzawl DC CC Lalchhuangkima chuan Khawzawl district-ah phalna nei lo leh dan kalha petrol leh diesel zawrh leh hralh a khap a, "Hetiang tilui nia hriatte chu dap (check) leh man nghal theih an ni," a ti. Dan bawhchhiate chu Section 7 of The Essential Commodities Act, 1955 hmanga hrem theih an nih thu a tarlang.
Kawng khar dawn
Chanmari aṭanga Laipuitlang pan chhohna kawng chu PWD-in vawiinah siamṭhat hna an thawh dawn avangin helai kawng hi khar a ni dawn a, hnathawh tibuai thei tura lirthei leh bungrua dah phal a ni lo.