A thlawna buhfai dawngte lei belh tur ruahman a ni

Food Civil Supply & Consumer Affairs (FCSCA) minister K Lalrinliana chuan central sorkarin ration buhfai a thlawna kg. 5 a pek (PHH) te chu buhfai an lei belh tur Mizoram sorkarin a ngaihtuah sak tur thu House a hrilh.

INC member C Ngun­lianchunga zawhna chhangin FCSCA Minister chuan, "Ration buhfai a thlawna dawngte hian an kham loh avangin kg. 3 a man neiin kan leitir dawn. A hma pawhin man nei thoin leitir an ni. Central sorkarin a thlawna buhfai sem January, 2023-a kalpui turin a ti a, a chawpchilh vangin January hi chuan PHH-te buhfai pek belh hman a ni lo. Tunah chuan kg. 3 pek belh turin notification pawh chhuah a ni vek tawh," a ti.

FCSCA Minister-in MNF member Zothantluanga zawhna a chhan danin, tun sorkar chhungin kudam 31 sak a ni tawh a, kudam 24 sak tum leh mek a ni.