Lengpui Airport chungchang AAI leh official-ten sawiho

ZPM member C Lal­sawi­vunga zawhna chhangin GAD changtu chief minister Zoramthanga chuan, Lengpui Airport chungchangah Airport Authority of India (AAI) leh Mizoram sorkar official-ten vawi eng emaw zat meeting neiin an sawiho tawh thu a sawi.

C Lalsawivunga'n AAI emaw India Airforce kutah emaw Lengpui Airport hlan tumna a awm leh awm loh zawhna chhangin Chief Minister chuan, "Tunah hian Lengpui Airport hi state sorkar enkawl a ni a, a ṭhat zawk theih dan kawng tinin dap mek a ni," a ti.

Chief Minister chuan AAI official leh state official-te vawi eng emaw zat an meeting thu sawiin, "Mutually acceptable terms & conditions for handing over the airport to AAI vawiin thlengin a awm thei lo," a ti a, heivang hian state sorkarin a la enkawl rih thu a sawi.