Chief Minister leh JICA hotute an inkawm

Chief minister Zoramthanga chu nimin tlai khan a chenna CM Bangla-ah Japan Interna-tional Cooperation Agency (JICA) India office-a chief representative Saito Mitsunori leh a thawhpuite'n an kawm a, Mizorama JICA hmalakna chungchang an sawiho.

JICA) India chief representative Saito Mitsunori chuan, kum 2017-a JICA leh Mizoram sorkarin agricultur tihhmasawnna tura thawhdunna thuthlung an ziaha hma an lak dan a sawi a, "Hmalakna hi kuminah a hmawr bawk a ni ang," a ti a; hlawk zawka buh chin dan kalphung an duan chu thawhhona a tawp hnuah ṭangkai taka hman chhoh chauh tura duan a nih thu leh, huap zau zawka hman a nih a, thingtlangah leh Mizoram pumin an hlawkpui ngei a beisei thu a sawi.

Chief minister Zoram-thanga chuan, JICA hmalakna chu lawmawm a tih thu sawiin, "Buhfaia intodelh hi a pawimawh hmasa a, sector hrang hrangah thawhhona dang kan neih zui zel ka beisei," a ti a, leilung nghenga eizawnna hmanga hausakna tham theihna (potential) Mizoramin a neih thu te, chu hlawkna chu haichhuah dan kawng dik zawn chhuah thiam a pawimawh thute a sawi bawk.