National Deworming Day hmang

Nimin February 10 kha National Deworming Day (NDD) a ni a, Mizoram hmun hrang hrangah hman a ni. Aizawlah chuan PC Girls School-ah hman a ni a, Women and Child Development minister Lalrinawma'n a hmanpui.

Lalrinawma chuan, NDD chu naupang zawng zawngte puala ruahman a nih avangin rulhut umbo a nih theih nan naupangin rulhut hlo an ei ṭheuh a ṭul thu a sawi a, "Naupangte an lo hrisel theihna turin rulhut laka an fihlim a pawimawh a, ei hrisel ringawt a tawk lo a, an thil ṭha eite awmze neia hna a thawh theih nan naupangte rulhut lakah kan ven a ngai," a ti.

Mizoram pumah naupang kum 1-19 inkar hnenah rulhut damdawi - albendazole mum ei tir ṭheuh tum niin, sikul kal leh kal lo, sorkar leh private sikula kal zawng zawngte a huam vek a ni. Albendazole hi sikulah leh anganwadi centre-ah a thlawnin ni ruat bikah ei theih a ni.