BJP kan sorkar ngei dawn - Hmuaka

Mizoram BJP president Vanlalhmuaka chuan, kumina MLA inthlan lo awm turah BJP chu an sorkar ngei dawn tih a sawi a, "Keimahnia kan sorkar loh pawhin BJP tel loin sorkar a awm dawn lo," a ti.

Nimina an party pisa-a political session an neihnaah thu sawiin Vanlalhmuaka chuan, "BJP hi India ramah kum 30 aṭanga kum 50 chuang kan la sorkar ngei ngei dawn a, hei vang hian Mizoramah pawh BJP hi kan sorkar dawn," a ti.

Zoramthanga kaih-hruai MNF sorkarin Rs 3,00,000 kan sem dawn ti chunga hlawhtlinpui tham loh Rs 25,000 chauh an sem hi chu a thinrim-thlak a tih thu sawiin Vanlalhmuaka chuan, "An mahni pawhin an hlawhtlinpui theih loh tur mipui hlawhtlinpui tir an tum hi mipui zah lohna a ni," a ti a, BJP chuan miretheite tan scheme tam tak an neih thu a sawi.

BJP thuchhuah tarlan danin, Vanlalhmuaka hian nimin khan an party-ah mi 24 a lawmlut a ni.