Mizoram sorkarin 2022-23 chhungin Vbc 1,798.94 a puk tawh

ZPM member Vanlalhlana zawhna ziaka Chief Minister-in a chhan danin, sorkar kum kal mek (2022-2023) chhungin Finance department hriatpuiin/kaltlangin Mizoram sorkarin cheng vbc. 1,798.94 a puk tawh.

Chief Minister leiba zata tarlan tel loh EAP aṭanga sum dawn/puk a awm thu tarlangin, "EAP hi reimbursement system-a kalpui a nih avangin a implementing department-ten central-a reimbursement an claim zulzuiin (grant/loan) an rawn release ṭhin," a ti.

Zoramthanga tarlan danin, central-in state-te loan a pek ho hi blocks loan anga khaikhawm a nih avangin AG lamin acounting an tihfel hma chuan Finance department hi implementing dept. a nih loh bawk avangin blocks loan aṭanga sum hmuh/puk zat hi hriat a harsa deuh.

Chuvangin, kumin sorkar kum chhunga Mizoram sorkarin sum a puk zatah EAP aṭanga sum dawn/puk zat tarlan tel a ni lo.