Department tana sum awm lo khawpin MNF sorkarin Sports dept. a vulh - TBC Lalvenchhunga

ZPM party chuan nimin khan an pisa-ah political session an hmang a, ZPM PAC mem-ber TBC Lalvenchhunga chuan Mizorama MNF sorkarin department danga ram hmasawnna tur sum leh pai awm lo khawpin Sports department a vulh mek tih a sawi.

ZPM Ṭhalai president Dr C Lalram-mawia kaihhruai inkhawmah TBC Lalvenchhunga chuan, “Kan sorkar kal dan hi crony capitalism an tih fo, mi tlemte induhsakna ang chiah hi a ni. Department danga ram hmasawnna tur sum leh pai awm lo khawpin Sports department hi vulh mek a ni,” a ti.

Lalvenchhunga chuan, India ram pawh Modi leh Adani-te induhsakna avangin a buai mek tih a sawi a, “Chutiang chiah chu tun dinhmunah Mizoram hian kan tawk mek niin a lang a, tun dinhmunah hian hlimhlawp leh infiamna chu hmanruaa hmangin retheite leh mipuite min bawl ni berin a lang,” a ti a, Rome lalram rorelna tluchhia ang kha Mizoram hmabak a nih theih thu a sawi.