Covid-19 vei awm belh rih lo

May 16, Inrinni khan Zoram Medical College (ZMC) Covid-19 La­boratory-ah mi 17-te swab sample endik a ni a, niminah erawh endik a awm lo. Sample 17 zinga 15 chuan hripui an kai lo tih finfiah a ni tawh a, mi pahnihte result hriat a la ni lo a, naktukah hriat beisei a ni.

State Referral Hos­pital (SRH)-ah May 15 leh 16 khan mi paruk dah luh an ni a, an zinga pali chu rapid antibody test (RAT) hmanga endiknaa reactive (positive) an ni. Mi paruk zinga pahnih chu Inrinni zana dah luh niin, RAT-ah an positive avanga quarantine centre aṭanga SRH-a sawn an ni a; RAT-a reactive mi palite swab sample chu vawiinah laka endik a ni ang.

Hetih lai hian, Inrinni leh Pathianni khan SRH-a awm mek mi pasarih chu chhuahtir an ni a, Covid-19 test result a ṭhat vanga chhuak an ni. Heti hian, nimin tlai dar 5 thleng khan SRH-ah hian 12 an la awm mek a ni.

Enfiah (screen) tawh zat    85,350

Quarantine centre-a awm tawh zat    2,875

Home quarantine-a awm tawh zat    7,208

RAT-a endik tih tawh zat    3,959

RT-PCR test tawh zat    27

Swab sample endik zat    282

Covid-19 vei tawh zat    1

Covid-19 vei tawh dam leh    1

Rinhlelh damdawi-ina dah    59

(Report hi May 17, 2020 tlai dar 5 thleng dinhmun a ni.)