Myanmar bomb thlâk chungchang Parliament session-ah sawi phal loMyanmar bomb thlâk chungchang Parliament session-ah sawi phal lo

Rajya Sabha MP K Vanlalvena chuan, Myanmar sipaite'n tun hnaia Myanmar leh Mizoram inrìna bula bomb an thlak leh Mizoram (India) chhunga bomb siper a tlâk chungchang Parliament session neih mekah sawi chhuah a dil a, phalsak a ni lo.

K Vanlalvena chuan, kumin January 10 & 11-a Myanmar sipaite'n Farkawn hnaih ramri bawr vel CNF camp-te bomb hmanga an bei chungchangah, "International law bawhchhiatna leh Mizoram mipui himna tihderthâwn ni ngeia a lan avangin, Parliament House hriattir ṭula ka hriat avangin February 10, 2023 Zirtawpnia zero hour-ah sawi chhuah ka dilna phalsak ka ni lo. Special mention notice pekna hunah February 13, Thawhṭannia sawi chhuah dilna ka thehlut leh a, an phal loh thu ziakin vawiin (Pathianni) hian kan inah lehkha min rawn pe," a ti.