SYS Minister-in racing track tur a tlawh

Sports & Youth Services minister Robert Romawia Royte chuan February 11, Inrinni khan Lengpui rama Motorsports Racing Tract siam mek tlawhin, a enfiah.

Robert Romawia Royte chuan, racing track siamna atan J Lalhmingliana te chhungkuain Joseph Zosangliana Complex tia koh tâk ram zau tak an pek thu sawiin, "MSSC-REC Motorsports Racing Tract Mizoramin kan neih tur hi India khawchhak lama a hmasa ber tur a ni a, kan ram tan a hlut dawn em avangin department officer leh contractor-te pawhin theihtawp chhuah se ka duh," a ti.

Mizoram State Sports Council (MSSC) secretary John Ṭanpuia sawi danin, project atan REC-in CSR aṭangin cheng nuai 750 leh SASCI aṭangin cheng nuai 800 hmuh a ni a; racing track chu km. 2.17-a thui, metre 12 a zau tur niin, international standard-a siam tum a ni.

Sports Minister hi MLA pathum - Lawmawma Tochhawng, Dr K Pachhunga leh H Lalzirliana bakah, sorkar official, Mizoram Motorsports Association hruaitute leh Lengpui VC leh tlawmngai pawl hruaitute'n an ṭawiawm.