Supply Minister-in weighbridge a hawng

Food, Civil Supplies & Consumer Affairs minister K Lalrinliana chuan February 11, Inrinni zing khan Muanna Venga Supply kudama hman tur, buhfai phur lirtheite bûkna tur digital weighbridge a hawng.

Muanna Venga Supply kudama weighbridge hi metric ton 60 thlenga rit bûk theihna a ni a, Leotronic Scale, Amritsar, Punjab-in an dah a ni. FCSCA department-in SEDP sum hmanga an lei a ni a, khawl pahnih leina atan Rs 21,68,840 hman a ni.

Buhfai bûk dik leh rang taka mipui hnena pek chhuah a nih theih nan FCSCA department chuan truck chawpa buhfai bûkna digital weighbridge pahnih leina atan SEDP aṭangin cheng nuai 31.57 an dawng a; weighbridge pahnihte chu Muanna Venga kudam leh Lunglei Luangmuala kudamahte bun thar a ni.

Minister K Lalrinliana chuan, digital weighbridge chu khawl ṭangkai tak a nih dawn thu sawiin, "Weighbridge hman ṭhin kha a hlui tawh avangin sawiselna tak tam a awm a, chuvangin, department chuan a thlakna tur SEDP kaltlangin a ruahman a ni," a ti.Supply Minister-in weighbridge a hawng