MNYF-in budget ṭhaah an ngai

MNF ṭhalaite chuan thuchhuah siamin, chief minister Zoramthanga'n kum 2023-24 chhunga hman tur Mizoram budget a pharh ta chu lawmawm an ti a, an chhuan thu leh budget ṭha nia an ngaih thu an tarlang.

MNYF chuan, kum 2023-24 budget chhungah hian mipui tana hmasawnna tur thil tam tak tarlan a nih thu sawiin, "SEDP hnuaia hnathawhna tur cheng vbc. 595 dah te, health care scheme-ah vbc. 60 dah te, Samagra Shiksa hnuaia thawk mi 5,537-te hlawh leh hamṭhatna dawn tihsanna tura cheng vbc. 52.98 dah belh te, Mizoram zalenna atana beitu MNF returnee-te hamṭhatna tura cheng vbc. 5 dah a nite hi lawmawm kan ti," an ti.

Mizo ṭhalaite all India service leh central service-a an luh tam theihna tura puihna tur cheng nuai 50 dah a ni te, college zirlaite’n fee pek aṭanga college tihhmasawnna tur cheng nuai 120 dah a ni te, district thar leh RD block thar enkawlna tura cheng vbc. 5.96 dah a ni te, Lunglei Municipal Council enkawlna tur cheng nuai 128 dah a nite chu lawmawm an tih thu an sawi bawk.