Kawlphethaa himna chungchang sawiho

Power & Electricity department chuan nimin khan Champhai IPR Auditorium-ah kawlphetha hman chungchanga mipui himna tura inzirtirna, 'Public Awareness on Electricity Safety' an buatsaih a; village council member, MJA leh Consumer's Union, Champhai aiawhte leh pawl hrang hrang hruaitute an tel.

He hunah hian Electricity Safety Manual, Indian Electricity Rule 1956, Central Electricity Authority (CEA) Regulations 2010, JERC dan bu leh Electricity Wiring Colour Code (NEC&IEC) chungchang zirho a ni.

Transformer dah belhna tur hmun ngaihtuaha vantlang hmun ruak remchang laite PE department tana zuah hram a pawimawh thu leh, transformer châwmtu 11kV line kalkawngte hmuh a harsat tawh avangin ruahmanna siamho ṭhin a ṭul thu an sawi.

Tarlan danin, Champhai khawpuiah mipui châwmtu transformer 83 hman mek a ni a, transformer lian 12.5 MVA Keifangtlanga hman mek bakah, 12.5 MVA transformer bun tuma hmalak mek a ni.