Cheng vbc. 9.39 hû heroin man

15th February, 2023

Champhaia police-te chuan February 13, Thawhlehni zan khan Zokhawthar aṭanga Aizawl pana tlan maxicab pakhat aṭangin heroin kg. 1.878 an man a, international market-ah cheng vbc. 9.39 hû a ni.

Police thuchhuah tarlan danin, heroin manna maxicab chu PC Lalremruata (19) s/o PC Lalduhawma, Champhai Zote khalh a ni a, a hnen aṭangin heroin man a ni. PC Lalremruata lakah NDPS Act tlawhchhanin thubuai ziah luh a ni a, a kaihhnawih awm theite chhui zui a ni.