Mamit ANM-ah thawktu an indaih lo; MLA-in a fund-in thawktu a chhawr

Mamit bialtu MLA H Lalzirliana chuan nimin Assembly session-ah Mamita Auxiliary Nurse and Midwife (ANM) School-ah thawktu an indaih loh avangin MLA fund hmangin mi panga a chhawr thu a sawi.

H Lalzirliana hian Mamit ANM School-a thawk tur lâk thar tumna a awm awm leh awm loh leh, ANM School-a second batch hostel tur sak hun tur Health Minister a zawt a ni.

Health minister Dr R Lalthangliana chuan, Mamit Bialtu MLA zawhna chu thawktu tur lâk tumna a awm thu leh hostel sakna tur sum sorkarah a dil mek thuin a chháng.

H Lalzirliana chuan, thawktu kum khat chuang a rawih tawh thu sawiin, "MLA fund lo aṭanga hlawh pek dan a awm ang em? First batch-te chauh awmna tur hostel a awm avangin second batch luh a hun tawh si a, main building pin chawp a ni," a ti.

Health Minister chuan, Mamit Bialtu MLA chu thawktu hlawhah chhâwk zângkhai theih thuai an tum thuin a chháng a ni.