Kolasibah hmalakna thlirlet

Kolasib District Level Monitoring Committee on CSS – FPO Formation chuan nimin khan Kolasib DC John LT Sanga hoin DC conference hall-ah an hmalak tawhnate an thlirlet.

John LT Sanga chuan sorkar laipui ruahmanna a loneitute chawikanna tur,’Formation & Promo-tion of 10,000 FPO’ chu hlawhtling ngei tur a kalpui a nih theih nan District Level Monitoring Committee chuan an hmalaknate a enpui zel tur thu sawiin, ei leh in a kan ram a intodelh theih nan leh kuthnathawktute dinhmun chawikanna hmanraw ṭangkai a nih ngei theih nan thahmenngaitak a hma la turin kalkhawmte a chah.

Thutkhawmna-a tarlan danin Clover Organic Pvt. Ltd. kaltlangin Thingdawl Rural Development Block hnuaiah a thawh khatna atan dragon fruits tharchhuah leh hralh chhuah kawng a hmalakna kalpui a ni. Vangmawi Organic FPO-ten hma lain state pawn a thawnchhuah turte in ruahmanna siam a ni a, thawn chhuak tur a sawngbawlna hrang hrangah senso a hautak avangin beisei angin rua-hmanna a hlawhtling lo.

National Agricultural Cooperative Marketing Federation of India aṭanga thawktute telte chuan Bilkhawthlir RD Block-a tel anṭam (Rape Seed) leh vaimim a hmalakna kalpui dan tur ruahmanna an duante tarlang a, Mizoram district hrang hrang zingah Kolasib district chu vaimim thar chhuah tam lamah dinhmun pahnihna an luah mek thu an tarlang bawk.