Hmar Martyrs' Day hman a ni

18th May, 2020

May 16, Inrinni khan Mizoram hmun hrang hrangah Hmar Martyrs' Day vawi 30-na hman a ni a; Sinlung Hills Council (SHC) hmunpui Sakawrdaiah pawh khawtlanga mi pawimawh sàwm bikte'n an hmang.

Sakawrdaia Hmar Martyrs' Day hmanna inkhawm hi SHC chief executive member (CEM) Lalthlamuana Hmar leh executive member Ricky Lalremsanga ten an hmanpui a; martarte hriatrengna lungphunah zahna parṭhi an dah.

Hmar Martyrs' Day-ah hian SHC huam chhunga khaw tinah martarte zahna lantir nan chhungkaw hrang hrangte'n an in leh kawtkai velah pawndum an zár a; vaitlang aurinna hmangin SHC CEM thuchah puan a ni.