MNF ṭhalaite'n ramri an tlawh

Assembly deputy speaker Lalrinawma, MNYF president leh MNF ṭhalai hruaitu dangte chuan May 16, Inrinni khan Mizoram leh Assam inrìna hmun pathum - Vairengte, Bairabi leh Phaisen khuaa ramri vengtute an tlawh a, pawisa leh hmanrua an pe.

MNF Ṭhalai hruaitute hi an kalna khuaa task force hruaitute nen an inkâwm a; Lalrinawma chuan, ramri vengtute inpekna fakawm a tih thu sawiin, an thil tih ropui tak chu an zah a, ṭhangtharte tana dái theutu an nih thu a sawi. Mizoram páwn aṭangin tangkhang lo haw tur mi sing chuang an awm a, chu'ngte chu khung hran vek ngai an nih avangin sorkarin khung hranna tura a tihin a dâwl zo lo tih sawiin, sorkar ngenna anga kohhrante'n an hmunhmate an hmantir chu lawmawm an tih thu a sawi bawk.