CM-in leiba pun dan a tarlang

Finance enkawltu chief minister Zoramthanga chuan INC member Zodintluanga zawhna ziaka chhángin, Mizoram leiba pun dan leh a pun chhante a tarlang.

Zoramthanga chuan, sorkar leiba pun chhan ber chu sorkar sum hmuh (revenue receipt)-in sum hman chhuah a phuhrûk zawh loh vanga sum pûk belh vang a nih ber thu a tarlang a, "Kum khat atana sorkarin sum a hmuh (revenue)-te hi revenue account bikah chauh hmang mai loin, hmasawnna ruhrel siamna atan leh sum lo pûk tawh rulh leh nante hman a ni. Chuvangin, sum pûk a ngai ta ṭhin a ni," a ti.

Chief Minister tarlan danin, tun hnaia sum pûk a pun chhan ber chu Covid-19 nghawng vanga sum hmuh tlahniam chhâwk zângkhaina tura sorkar laipuiin pûk theih chin a tihsan vang a ni.