JJM hmangin khaw 263-ah tui in tur pek a ni tawh; JJM hmangin khaw 263-ah Tui in tur pek a ni tawh

PHE department enkawltu deputy chief minister Tawnluia chuan nimina Assembly session-ah, chhungkaw tin tui thianghlim pekna tura sorkar laipui scheme Jal Jeevan Mission (JJM) hnuaiah khaw 263 tuam a nih tawh thu House a hrilh.

Member hrang hrangte zawhna chhangin Tawnluia chuan, JJM hnuaiah khaw 465-ah hna thawh tur hmabak a la awm thu a sawi a, "December 2023-ah thawh zawh beisei a ni," a ti.

Deputy Chief Minister sawi danin, JJM hnuaiah Mizoram thingtlang tui lâk harsatna bik khaw 11-ah solar pump hmanga tui pek a ni tawh a, la pek tur khaw 175 a awm.

INC member C Ngunlianchunga'n JJM hnuaia chhungkuate tui in tur pekna atan GI pipe ni lo, plastic pipe hman a ni chu ṭha lo a tih thu a sawi chhuah chungchangah Tawnluia chuan, "Ramhnuaia tui laknaah chuan hman a ni loa, khaw chhungah chauh hman a ni. Plastic pipe hman hi JJM Ministry-in a remti a ni," a ti.