Covid-19 vanga thite hnenah Ràlna leh zangnadawmna pe

Health & Family Welfare minister Dr R Lalthangliana chuan INC member Lalrindika Ralte zawhna ziaka chhángin, Covid-19 lên laia local/village task force duty, Covid-19 vanga thi mi 10 hnenah sorkarin ràlna (ex-gratia) cheng nuai 20 ṭheuh a pek tawh thu a tarlang.

ZPM member VL Zaithanzama zawhna ziaka chhángin Health Minister chuan, Mizoramah Covid-19 vanga thi mi 726 an awm tawh thu a tarlang a, chu'ng zinga mi 709 hnenah sorkar aṭangin zangnadawmna pek a nih thu a tarlang bawk.