Aizawlah two wheeler taxi permit 3,646 pek a ni tawh

Transport minister TJ Lalnuntluanga chuan nimin khan INC member C Ngunlianchunga zawhna chhángin, Mizoram sorkarin two wheeler taxi permit 3,646 a pek chhuah tawh thu House a hrilh.

Transport Minister tarlan danin, two wheeler tax permit pek chhuah tawh dan chu - kum 2016-ah 221, kum 2017-ah 146, kum 2018-ah 324, kum 2020-ah 1,709 leh kum 2021-ah 1,246 a ni a, a vaiin 3,646 a ni. Permit hi Aizawl khawpui atan chauh pek a la ni a, two wheeler taxi 3,321 a awm mek.

Kum 2019-2023 chhungin taxi pangngai (four wheeler) permit 543 pek chhuah a ni a; kum 2019-ah permit 149, kum 2020 leh 2021-ah permit 170 pek chhuah a ni. Taxi permit pek chhuahte hi khaw dang atan a ni a, Aizawl khawpui atan pek chhuah a ni lo.