Lunglei DC leh media mite inkâwm

Lunglei bawrhsap Ramdinliani chuan nimin khan DC Conference Hall-ah inhmelhriatna atan Lunglei district-a thuthar thehdarhtute a kâwm a, Lunglei district hmasawnna tura hmalaknate a sawipui.

Ramdinliani chuan, sorkar hmalakna puanzar leh department-te finchhuah chungchangah media mite chu thawhpui a duh thu sawiin, a ṭha zawnga mipui kaihruaitu leh ram hmasawnna tura kawng kawhhmuhtu ni turin a sáwm a; kumina inthlan an hmachhawn turah belhchian dâwl, dik, thlei bik nei lo turin a chah.

MJA, Lunglei district president Laltlanthanga leh thuthar thehdarhtute chuan an ngaih pawimawh leh mamawhte DC hnenah an thlen a; ram leh hnam leh Lunglei district hmasawnna turin lungrual taka thawhho an duh thu an sawi.