Sports-a PMJVK hna vbc. 187.30 Restricted tender veka thawh a ni

Sports & Youth Services minister Robert Romawia chuan, PMJVK hnuaiah open tender hmanga hna pek a awm lo tih INC member Zodintluanga Ralte zawhna ziaka chhángin a tarlang.

SYS Minister tarlan danin, PMJVK hnuaia hnate chu restricted tender hmanga pek vek a ni. PMJVK sum chu kum 2019 aṭangin ṭum li pek a ni tawh a, pek tawh zat chu cheng vbc. 187.30 a ni a; kum 2019 aṭangin hna 32 thawh a ni tawh.

PMJVK hnuaia hna thawk tam ber Decor India, GS Road, Guwahati chuan pakua an thawk a, a dawttu Excell Consultancy Services, Mission Veng chuan hna pasarih an thawk thung.