Lengpui Airport baggage trolley hmangtute hrem an ni dawn - MNF

Lengpui Airport-a khualzinte bungrua nawrna (passenger baggage trolley) eng

emaw zat Airport chei ṭhat hna thawh nan hman a nih avangin hna thawhna atana trolley hmangtute hrem an ni dawn niin MNF party chuan an tarlang.

MNF thuchhuah tarlan danin, Lengpui Airport-a baggage trolley hna thawhna atana hmangtute hrem an nih tur chungchangah GAD (Aviation Wing) chuan February 13, 2023 khan office order tichhuakin, hna thawhna atan trolley hman a khap bakah, an tihchhiat ang hû cháwi turin a hriattir a; February 14-ah trolley hman dan tur order a tichhuak a ni.

Passenger trolley chungchanga politics inbeihna a chhuak chu pawi an tih thu sawiin MNF thuchhuah chuan, "Trolley tihbawlhhlawh vanga Lengpui Airport chei ṭhat hna thawh kal lai titawp zawnga Congress party an che ta mai hi demawm kan ti hle," an ti.

 MNF party tarlan danin, October 20, 2022 khan GAD (Aviation) Principal Consultant hoin Lengpui Airport-a passenger trolley indaih lohna sawiho a ni a, sorkarah trolley 100 lei belh an dil. November 10 khan Finance department-in an remti a, restricted tender hmangin February 17, 2023 thleng hawngin quotation chhuah a ni a, supplier thlan a ni.

Supply order chhuah aṭangin a rei lo berah ni 30 velah trolley thar hmuh beisei a nih thu sawiin MNF chuan, "Hemi hma hian baggage trolley repair-na tur spare part pawh Delhi-ah chah a ni a, a lo thlen ní, February 13 & 14 khan repair zawh nghal a ni bawk. Tun dinhmunah baggage trolley hman theih zat chu 74 a awm mek a ni," an ti.

MNF chuan, Lengpui Airport chei ṭhat hna, Upgradation/Improve-ment of Difference Facilities at Lengpui Airport, Mizoram under NESIDS atan cheng vbc. 19.59 hmuh a ni a; kum 2021-22 chhungin cheng nuai 783.60 pek chhuah tawh niin, second instalment la pek chhuah tur cheng vbc. 1,175.40 a awm mek tih an tarlang bawk.