MJA-in ráltlân ṭanpuina hlân

Mizoram Journalists' Association (MJA), Serchhip district-in Bangladesh ráltlânte ṭanpuina tura sum an hmuh Rs 36,126 chu nimin khan Lawngtlai district bawrhsap David Lalthantluanga hnenah Lawngtlai District MJA hruaitute'n an hlân.

Ṭanpuina sum hi kumin Republic Day lawmna chi khat atana F Sanglura Band leh Serchhipa zaithiamte'n MJA Serchhip District huaihawta Charity Concert an buatsaiha sum an hmuhte a ni a; Bangladesh ráltlânte ṭanpuina tura tih niin, Serchhip District MJA aiawhin Lawngtlai District MJA president Lalngheta Ralte-in Lawngtlai DC hnenah a hlan a ni.

Lawngtlai DC pisa chhinchhiah danin, Bangladesh aṭanga sahimna zawnga tlânchhia Lawngtlai district-ah mi 531 an awm mek a; DC pisa in chèn lailâwkna, mutbu, ei leh in leh ni tin mamawhte a pek thu sorkar thuchhuahin a tarlang.